ಬಿಟ್ಟಿ ಸಲಹೆ -- 4

ಸಿಂಕ್ ತೊಳೆಯಲು :

 

ಬಳಸಿದ ನಿಂಬೆ ಹೋಳನ್ನು ಸಿಂಕ್ ತೊಳೆಯಲು ಬಳಸಿದರೆ ಸಿಂಕಿನಲ್ಲಿರುವ ಜಿಡ್ಡೂ  ಹೋಗುತ್ತದೆ  ಸಿಂಕ್ ಪರಿಮಳಯುಕ್ತವೂ ಆಗುತ್ತದೆ. 

ಬಿಟ್ಟಿ ಸಲಹೆ -- 3

ಹೊಟ್ಟೆ ನೋವಿಗೆ:

ಹೊಟ್ಟೆ ನೋವಿನಿಂದ ತೊಂದರೆ ಅನುಭವಿಸುತ್ತಿದ್ದರೆ, ೮-೧೦ ಮೆಂತ್ಯದ ಕಾಳುಗಳನ್ನು ಮಜ್ಜಿಗೆಯಲ್ಲಿ ೧೫ ನಿಮಿಷ ನೆನೆಸಿ, ಕುಡಿದರೆ (ಮೆಂತ್ಯದ ಸಹಿತ) ಹೊಟ್ಟೆ ನೋವು ಸ್ವಲ್ಪ ಮಟ್ಟಿಗೆ ಕಡಿಮೆಯಾಗುತ್ತದೆ.

ಬಿಟ್ಟಿ ಸಲಹೆ -- 2

ಹಿಮ್ಮಡಿ ಒಡೆಯುವಿಕೆಗೆ:

ಕಾಲಿನ ಹಿಮ್ಮಡಿ ಒಡೆದು ತೊಂದರೆಯಾಗುತ್ತಿದ್ದರೆ, ಹೂಬಿಸಿ ನೀರಿನಲ್ಲಿ ಕಾಲು ಇಳಿಬಿಟ್ಟು, ಸ್ವಲ್ಪ ಸಮಯದ ನಂತರ ಸ್ವಚ್ಛವಾಗಿ ತೊಳೆಯಿರಿ. ನಂತರ ಲೋಳೆಸರ (ಆಲೋವೆರ) ಎಲೆಯನ್ನು ಮಧ್ಯದಲ್ಲಿ ಕತ್ತರಿಸಿ, ಲೋಳೆಯನ್ನು ಒಡೆದ ಜಾಗಕ್ಕೆ ಹಚ್ಚಿ.೩-೪ ವಾರ ಹೀಗೆ  ಮಾಡಿದಲ್ಲಿ ಹಿಮ್ಮಡಿ ಒಡೆಯುವುದು ಕಡಿಮೆಯಾಗುತ್ತ ಬರುತ್ತದೆ.

ಬಿಟ್ಟಿ ಸಲಹೆ -- 1

[ ಹೌದು, ಹೆಸರೇ ಹೇಳುವಂತೆ ನನ್ನ ಕೆಲವು ಬಿಟ್ಟಿ ಸಲಹೆಗಳನ್ನು ಬರೆಯುತ್ತಿದ್ದೇನೆ. ಇಷ್ಟವಾದರೆ ನೀವೂ ಮಾಡಿ ನೋಡಿ.]

ಕೂದಲು ಉದುರುವಿಕೆಗೆ:

ತಲೆಕೂದಲು ತುಂಬಾ ಉದುರುತ್ತಿದೆಯಾದರೆ, 100 ml  ಬಾದಾಮಿ ಎಣ್ಣೆಗೆ, 100 ml  ಆಲಿವ್ ಎಣ್ಣೆ ಬೆರೆಸಿ, ಕೂದಲ ಬುಡಕ್ಕೆ ತಿಕ್ಕಿ ಮಸಾಜ್ ಮಾಡಿ, ಒಂದು ರಾತ್ರಿ ಬಿಟ್ಟು ಸ್ನಾನ ಮಾಡಿ. ಉದುರುವಿಕೆ ಕಡಿಮೆಯಾಗುತ್ತದೆ.